امریکہ میں کاروبار کرنا

وجے چاہر کی ماسٹر کلاس امریکی قانون کے کلیدی شعبوں کے اعتبار سے تیار کی گئی ہے جس کے بارے میں وہ محسوس کرتے ہیں کہ بھارتی نوخیز کمپنیوں کو سب سے زیادہ واقف ہونے کی ضرورت ہے۔ السٹریشرن از قاصم رضا، تصاویر © گیٹی امیجیز

امریکہ میں کاروبار کرنے کے خواہاں بھارتی نوخیز کمپنیوں کے لیےراستہ پیچیدہ ہوسکتا ہے۔ بھارت اور امریکہ میں ایک لائسنس یافتہ اٹارنی اور قانون اور معاشیات میں ڈاکٹریٹ کی ڈگری رکھنے والے وجیت چاہر کہتے ہیں ’’ مسئلہ جانکاری کا نہیں، جانکاری ہوتے ہوئے کسی چیز کے اپنے پاس نہیں ہونے کا ہے۔ یا یوں کہیں کہ اصل مسئلہ لاعلمی کا ہے کہ کسی چیز کو آپ کو جاننے کی ضرورت ہے مگر آپ اسے نہیں جانتے۔‘‘

’’امریکہ میں کاروبار: بین الاقوامی کاروباریوں اور اسٹارٹ اپس کے لیے ایک قانونی ابتدائی قاعدہ ‘‘ نامی چاہر کی ماسٹر کلاس اپریل ۲۰۲۰ء میں نئی دہلی میں واقع امیریکن سینٹر میں نیکسَس اسٹارٹ اپ ہب کے ذریعہ منعقد کی گئی تھی۔ اس کا مقصد بھارتی نوخیز کمپنیوں کو کسی چیز سے واقف نہ ہونے اور اس کی سمجھ نہیں رکھنے کے نقصان سے بچاتی ہے۔ ان نقصانات میں امریکہ میں قانونی جرمانے اور سول مقدمہ کے ہرجانے شامل ہوسکتے ہیں جس کی خلاف ورزی پر بھارت میں چھوٹے جرمانے ہوتے ہیں، لیکن امریکہ میں اتنا بڑا جرمانہ ہو سکتا ہے جو پوری کمپنی کو دیوالیہ کردے۔‘‘

قانون کا علم

چاہر نے امریکی قانون کے اہم شعبوں کے ارد گرد ماسٹر کلاس کو ڈیزائن کیا جن کے بارے میں وہ محسوس کرتے ہیں کہ بھارتی اسٹارٹ اپس کو سب سے زیادہ واقف ہونے کی ضرورت ہے۔ ان میں کارپوریٹ قانون (اگر امریکہ میں رجسٹرڈ ہے) ، دانشورانہ املاک کا قانون ، درآمدبرآمد کے قواعد ، مصنوعات کی ذمہ داری کے قوانین ، ٹیکس کا قانون اور معاہدے کا قانون (لائسنسنگ ، ڈسٹری بیوٹر انتظامات وغیرہ کے لیے) شامل ہیں۔ چاہرکا کہنا ہے کہ کچھ کاروباری اداروں کو دیگر قابل اطلاق قواعد و ضوابط جاننے کی ضرورت پڑسکتی ہے جیسے وائرلیس آلات پر لاگو ہونے والے وفاقی مواصلاتی کمیشن کے قوانین۔ لیکن یہ سب کچھ نہیں ہے۔

امریکہ ریاستی اور بلدیاتی (یا) مقامی قوانین کی بہت زیادہ رسائی کے حوالے سے بھارت کے برعکس ہے۔ اس کا مطلب یہ ہے کہ بھارتی اسٹارٹ اپس کو وفاقی ، ریاستی اور مقامی قوانین کو جاننے اور ان پر عمل کرنے کی ضرورت ہے جو ان کے کاروبار پر اثر انداز ہوتے ہیں۔ ایک عام آدمی کے لیے یہ سب حق حاصل کرنا عملی طور پر ناممکن ہے۔اس لئے مناسب قانونی مشورہ لینا ضروری ہے۔

قانونی میدان کی اس وسعت کو ذہن میں رکھتے ہوئے ، چاہر کا ہدف ماسٹر کلاس میں کافی حد تک اس کااحاطہ کرنا تھا تاکہ شرکاء کو یہ معلوم کرنے میں مدد مل سکے کہ اپنی مخصوص امریکی حکمت عملی مرتب کرتے وقت کون سے سوالات پوچھنے ہیں تاکہ کسی غلطی سے بچا جا سکے جو ’’امریکی عدالتی نظام کی گراں واقفیت کی طرف لے جاتے ہیں۔‘‘

معاہدوں پر بات چیت

امریکی کاروباری اداروں کے ساتھ کام کرتے وقت معاہدہ کے سلسلہ میں مذاکرات کے عمدہ نکات کو جاننا خاص طور پر اہم ہے۔ چاہر بتاتے ہیں ’’تجارتی معاہدوں پر بات چیت کرتے وقت اسٹارٹ اپس کو ذہن میں رکھنے کی سب سے اہم بات یہ ہے کہ بعض معاہدے گفت و شنید کے قابل ہوتے ہیں اور بعض نہیں۔ مثال کے طور پر ، والمارٹ جیسی بڑی کارپوریشنز چھوٹے خریداروں کے ساتھ اپنے خریداری کے معاہدوں کی شرائط پر بات چیت نہیں کریں گی جبکہ چھوٹی کمپنی اپنے سازو سامان کے انتظام کو بیرونی ذرائع سے ٹھیکے پر  حاصل کرنے کے لیے حسب ضرورت معاہدے پر بات چیت کے لیے تیار ہوں گی تاکہ خدمات کے ذریعہ ان کی ضروریات کی تکمیل ہو سکے۔ ایسے معاملات میں ، وہ قانونی مشیروں کے ساتھ گاہکوں سے حسب ضرورت معاہدوں پر بات چیت کی تجویز کرتے ہیں بجائے اس کے کہ وہ پہلے سے تیار معیاری معاہدے کا من وعن استعمال کریں ۔‘‘ نشان زدقانونی مشورے کی تلاش ان مسائل سےبچاتی ہے جو کاروباری ثقافتوں میں اختلافات کی وجہ سے پیدا ہو سکتے ہیں۔ وہ کہتے ہیں کہ امریکہ کے کاروباری ادارے بھارتی کاروباری اداروں کے مقابلے میں معاہدوں پر دوبارہ بات چیت کرنے میں زیادہ محتاط رہتے ہیں۔اس لیے بقول چاہر’’ آپ کے معاہدے کی شرائط کو پورا کرنے سے قاصر ہونے کے نتائج شہرت اور دوبارہ کاروبار کے امکانات کے لحاظ سے بہت زیادہ ہیں۔‘‘

امریکی سرمایہ بازار سے سرمایہ جمع کرنا

چاہر زیادہ تر امریکی سیڈ اینڈ وینچر کیپیٹلسٹ(کاروبار کی ابتدا کرنے کے لیے پیسہ لگانے والے سرمایہ کار) کے ساتھ کام کرتے ہیں جو خصوصی طور پر ڈیلاویئر سی کارپوریشنز میں سرمایہ کاری کرتے ہیں ، جو کارپوریشن میں اسٹاک کی ملکیت کے ذریعے شیئر ہولڈرز کی ملکیت والی کمپنیاں ہیں۔ وہ کہتے ہیں کہ یہ سیڈ اور وینچر سرمایہ کار’’تمام قانونی ضابطے اور معیاری کاروباری طریقوں‘‘ کی تعمیل کی تلاش کرتے ہیں۔

معاہدے کے مذاکرات کی طرح ، سرمایہ کاروں کے ساتھ غلطیوں کو ختم کرنا غلطیوں کو ہونے سے روکنے کے لیے پیشگی کام کرنے سے زیادہ بوجھل ہوسکتا ہے ، یہی وجہ ہے کہ چاہرکا کہنا ہے کہ اسے سست کرنا اور اسے شروع میں ہی درست کرنا ضروری ہے۔ وہ تجویز کرتے ہیں کہ بھارتی اسٹارٹ اپس کو امریکہ میں اداروں کی شکل دی جائےاگر وہ وہاں کافی آمدنی یا شراکت داری کی پیش گوئی کرتے ہیں اور نہ کہ صرف اس لیے کہ وہ سمجھتے ہیں کہ اس سے زیادہ قدر بڑھ سکتی ہے۔ اگر امریکہ میں اس کو اداروں کی شکل دینے کا کوئی  مطلب نہیں  بنتا تو وہ کہتے ہیں کہ زیادہ تر بڑے امریکی وینچر کیپیٹلسٹ کے بھارت میں دفاتر ہیں جن کو وہاں رجسٹرڈ اسٹارٹ اپس کے لیے اہم وسائل تک رسائی حاصل ہے۔‘‘

انوکھا راستہ بنانا

چاہر کے مطابق’ ’امریکہ میں کاروبار کرنے والے بھارتی اسٹارٹ اپس کے لیے اہم مسئلہ تیاری کی کمی اور آزادانہ فیصلہ سازی کی صلاحیت کی کمی ہے۔ اکثر بھارتی اسٹارٹ اپ ان کے پاس ایسے منصوبے لے کر آتے ہیں جو ماضی میں دوسروں کے رہے ہیں۔

چاہر بتاتے ہیں ’’کچھ آسان معاہدوں کے انتخاب کے وقت یہ قابل قبول ہے لیکن استعمال کیے ہوئے تجارتی منصوبے کے ساتھ مکمل طور پر مختلف قانونی ، کاروباری اور معاشی ماحول میں داخل ہونا تباہی کا ایک نسخہ ہے ، خاص طور پر چونکہ جو معلومات منتقل کی گئی ہیں وہ بہت مختلف اسٹارٹ اپس اور بہت مختلف کاروبارپر لاگو ہو سکتی ہیں۔‘‘

وہ مزید کہتے ہیں’’امریکی توسیع کے لیے ایک کاروباری منصوبہ بنانا ضروری ہے جو ہر انفرادی کمپنی کے لیے کام کرتا ہے جو امریکی قوانین ، کاروباری طریقوں اور اس کی معیشت سے واقف ہو۔ میں ضرورت سے زیادہ خود انحصاری محسوس کرتا ہوں کہ دوسروں کے لیے کیاکام کرتا ہے اور امریکہ میں کاروبار کرنے کے مؤثر طریقے کے بارے میں ناکافی باخبر حکمت عملی  امریکہ میں کاروبار کرنے والے بھارتی اسٹارٹ اپس کے لیے سب سے بڑا چیلنج ہے۔‘‘

چاہر آنے والے مہینوں میں فالو اپ ماسٹر کلاس کے انعقاد کی توقع رکھتےہیں، حالانکہ ابھی تاریخ طے نہیں ہوئی ہے۔ اس میں شامل مواد پچھلے کلاس میں فراہم کردہ مواد کو تقویت فراہم کرے گااور اسٹارٹ اپس کی کاموں کے ذریعہ رہنمائی جاری رکھے گا جو امریکی بازار میں اپنی صلاحیت کو زیادہ سے زیادہ کرنے کے لیے لازمی ہے۔

کیری لووینتھل میسی نیو یارک سٹی میں مقیم ایک آزاد پیش قلمکار ہیں۔

---

---