کاربن کی گرفت اور کاربن کو ہٹانے میں فرق کیا ہے؟ اس سلسلے میں نئی ٹیکنالوجیوں کے بارے میں یہاں جانیں۔
June 2022
تصویر از براین ہربرٹ © اے پی امیجیز
کاربن ڈائی آکسائڈ گیس ہمارے سیارے کے ماحول کا ایک قدرتی حصہ ہے۔ تاہم اس کی بہت زیادہ مقدار موسم میں تباہی مچا سکتی ہے۔
اس وقت صنعتی دور کے آغاز سے پہلے کی نسبت فضا میں ۴۷فی صد زیادہ کاربن ڈائی آکسائڈموجود ہے۔ اس کی وجہ سے درجہ حرارت بڑھتا ہے، سمندروں میں تیزابیت پھیلتی ہے اور شدید موسم معمول بن جاتا ہے۔ حتٰی کہ موسمی شدت میں اضافہ ہوتا چلا جاتا ہے۔
عالمگیر حدت کے اثرات کو ختم کرنے کے لیے کاربن ڈائی آکسائڈ گیس کو جمع کرنے کی ٹکنالوجی انتہائی ضروری ہے۔
۲۲ اپریل کو صدر کے موسمیات کے بارے میں خصوصی ایلچی، جان کیری نے کہا’’ اگر ہم ۲۰۵۰ء تک کاربن کے خالص صفر اخراج کا ہدف حاصل بھی کر لیں پھر بھی ہمیں کاربن ڈائی آکسائڈ کو فضا سے باہر نکالنا ہوگا۔ اس کا مطلب یہ ہے کہ ہمیں ایسا کرنے کے لیے جدید ٹیکنالوجی کی ضرورت ہوگی۔‘‘
کاربن جمع کرنا بمقابلہ کاربن ختم کرنا
حالانکہ دنیا کے ممالک کاربن ڈائی آکسائیڈ کے اخراجوں کو محدود کرنے اور دیگر گرین ہاؤس گیسوں کو فضا میں داخل ہونے سے روکنے کا کام کر رہے ہیں مگر پھر بھی ہوا میں کاربن ڈائی آکسائیڈ کی اضافی مقدار موجود رہے گی۔
تو پھر ماحول سے کاربن ڈائی آکسائیڈ کو ہٹانے کے لیے کی کچھ کیا جا سکتا ہے؟
کاربن ڈائی آکسائیڈ کو ہوا میں داخل ہونے سے روکنے اور پہلے سے ہوا میں موجود کاربن ڈائی آکسائیڈ سے پاک کرنے کے مختلف طریقے ہیں۔
جب صنعتی عمارتیں ایندھن کی پیداوار کے لیے گندی توانائی جلاتی ہیں، تو ان کی چمنیوں سے کاربن ڈائی آکسائڈ گیس خارج ہوتی ہے۔ امریکہ میں سالانہ پیدا ہونے والی کاربن ڈائی آکسائڈ کے ۱۶ فی صد حصے کا ماخذ یہ صنعتی عمارتیں ہیں۔
تیزی سے ترقی کرتی ہوئی ٹکنالوجیاں
موسمیاتی بحران سے نمٹنے کے لیے کاربن کو جمع کرنا بڑی تیزی سے ایک قابل عمل طریقہ بنتا جا رہا ہے۔
۲۰۲۰ء کے اعداد و شمار کے مطابق پوری دنیا میں اس قسم کے ۲۴ پلانٹوں کے ذریعہ (ایک اعشاریہ ۷ ایم بی ، پی ڈی ایف) کاربن ڈائی آکسائڈ کو کامیابی سے جمع کیا جارہا تھا۔ ان میں سے نصف امریکہ میں کام کر رہے ہیں۔
کاربن ڈائی آکسائڈ کے خاتمے میں بھی اضافہ ہو رہا ہے کیوں کہ امریکی صنعت کار موسمیاتی بحران سے نمٹنے کے لیے نئی ٹیکنالوجی کو پرانے طریقوں کے ساتھ باہم ملا کر استعمال کر رہے ہیں۔
میامی یونیورسٹی کے طلبہ نے ایک ارب میٹرک ٹن کاربن ڈائی آکسائڈ سالانہ کو الگ کرنے کے منصوبے کے لیے تجاویز دینے پر مسک فاؤنڈیشن کا ’’ ایکس پرائز‘‘ جیتا ہے۔ ان کے طریقے کے مطابق پانی میں حل ہونے والی گولیو کے ذریعے سمندر میں کاربن ڈائی آکسائڈ کو جذب کر لیا جاتا ہے۔
کیری نے کہا’’ صاف ظاہر ہے کہ ہم کو جو کچھ حاصل کرنا ہے اس میں جدت طرازی کا اہم کردار ہوگا۔‘‘
تشکر برائے متن: شیئر امیریکہ
دست برداری: یہ سائٹ امریکی سفارت خانہ ، نئی دہلی کے زیر انتظام ہے۔ دیگر انٹر نیٹ سائٹوں کی باہری لنکس کے نظریات یا رازداری پالیسیوں کو ہماری توثیق نہ سمجھیں۔
محفوظ شدہ دستاویزات 
ای میگزین سبسکرائب کریں
تبصرہ